Tarjume aur Mukalme

اس کتاب میں مکالموں اور ترجموں کی صورت میں چھ تحریریں شامل ہیں جن میں سے چار گفتگو کی شکل میں ہیں-اِن چار میں دو مکالمے (78-1977) خلیل الرحمان اعظمی اور شہر یار سے بالمشافہ کئے گئے ہیں اور انگریزی (میلان کندیرا) اور ہندی (نرمل ورما) سے دو بہت اہم مکالموں کو اردو میں منتقل کیا گیا ہے۔ اِن چاروں مکالموں میں ادب کے مختلف اصناف اور ان کے مسائل و مباحث پر بہت تفصیل سے بڑی خیال افروز گفتگو کی گئی ہے- بقیہ دو تحریروں میں سے ایک معروف فرانسیسی ادیب اور ڈرامہ نگار البئیر کامیو کا وہ بہت اہم دیباچہ ہے جو اس نے اپنے چار شہرہ آفاق ڈراموں کے  موضوعات و اسالیب سے متعلق 1957 میں لکھا تھا اور ایک معروف تاریخ داں پروفیسر محبّ ا لحسن کی وہ دیدہ ورانہ تحریر  ہے جو بابر کی زندگی 'اس کی مہم جوئی' اس کے معمولات اور جنگ میں اس کی حکمتِ عملی سے متعلق ہے۔ اِن ساری تحریروں کے مطالعے سے نہ صرف پڑھنے والے کی ادبی اور تاریخی معلومات میں اضافہ ہوتا ہے بلکہ اس کی بصیرتوں اور ذکاوتوں کو جلا بھی ملتی ہے۔

About Author

پچیس سے زائد کتابوں کے مصنف انیس اشفاق شاعر٬ ناول نگار٬ نقاد٬ مترجم اور افسانہ نگار ہیں۔ ان کا بنیادی میدان تنقید ہے۔ نئے اور پرانے ادب کی تعبیر و تحلیل سےمتعلق اب تک ان کے آٹھ تنقیدی مجموعے: 'اردو غزل میں علامت نگاری' (1995) 'ادب کی باتیں' (1996) ; 'بحث و تنقید' (2009) ; ' غزل کا نیا علامتی نظام' (20011) ; 'غالب: دنیاے معانی کا مطالعہ' (2022) ; 'ادب کی باتیں' (دوسرا اضافہ شدہ ایڈیشن 20024) ; ' سیدھی باتیں سادہ مطالب' (2024) اور ' دریا کے رنگٗ : اردو مرثیےکےمعنوی جہات' (2024) شائع ہو چکے ہیں- انیس اشفاق کے تنقیدی مضامین یوں تو حصولِ تعلیم کے زمانے ہی سے ادبی جریدوں میں چھپنے لگے تھے لیکن کتاب ' اردو غزل میں علامت نگاری' کی اشاعت کے بعد ادبی دنیا میں ایک ناقد کی حیثیت سے ان کی پہچان مستحکم ہوئی۔ انیس اشفاق کے چار ناول: 'دکھیارے' (2014); 'خواب سراب' (2017); 'پری ناز اور پرندے' (2018) اور 'ھیچ' (2024) بھی منظرِ عام پر آچکے ہیں،جنہیں ادبی حلقوں میں خاصی پزیرائی حاصل ہوئی ہے۔ ان کا ایک افسانوی مجموعہ 'کتبے پڑھنے والے'(2015) اور غزلوں کی ایک کتاب 'ایک نیزہ خونِ دل' (2019) کے نام سے شائع