पॉवर ऑफ कॉन्फिडन्स (Power Of Confidence)

विश्वास, आत्मविश्वास, स्वविश्वासाच्या जोरावर कोणतेही काम यशस्वी होऊ शकते, याची प्रचिती अनेकदा आपल्याला येत असते. पण आत्मविश्वासाबाबत अनेक जण डळमळीत असतात. आपल्याला हे करता येईल का, जमेल का, अशा एक ना अनेक प्रश्नांचा बागुलबुवा मनामध्ये कायम असतो. मनोज अंबिके यांनी 'पॉवर ऑफ कॉन्फिडन्स'मधून आत्मविश्वास जागृत करण्याची उर्जा दिली आहे. आपण वेगळे आहोत हे लक्षात घेऊनच आपल्यातील वेगळेपण शोधण्यातहे पुस्तक मदत करते. आत्मविश्वास म्हणजे काय, तो केव्हा असतो, केव्हा नसतो,आत्मविश्वासाचे शत्रू, त्यावर विजय कसा मिळवायचा, देहबोली, स्वतःवर विश्वास, स्वसंवाद, दुसऱ्याशी सुसंवाद, जीवनाचे ध्येय, सकारात्मक मन, मनाचे सामर्थ्य, बेधडक वृत्ती, यशाची गुरुकिल्ली आदी छोट्या छोट्या प्रकरणांतून आत्मविश्वास जागविण्याचे भान यातून मिळते.