Obsession

अचानक एक दिवस ... नुकत्याच मिसरूड फुटलेल्या एका मुलाची डेड-बॉडी सापडते. तो कोण? त्याचा मृत्यू नेमका का... कशामुळे... कुठे... आणि कसा झाला? हे गूढ उलगडणं सोपं नव्हतं. कोणत्याही वयात एखाद्याबद्दल अनामिक आकर्षण, प्रेमाची अतूट भावना असणं यात गैर काहीच नाही; पण त्यासाठी ऑब्सेस्ड झालं की, मग ती व्यक्ती नेमकं काय करेल ते कोणालाही सांगता येत नाही. अति-महत्त्वाकांक्षी व्यक्ती सारासार विचार करणं सोडते आणि आपल्या अतिरेकी अट्टहासापाई बेभान होऊन कुठलाही शॉर्टकट मारायला मागे-पुढे पाहत नाही. यश मिळवण्यासाठी ती कुठल्याही थराला जाऊन काहीही करू शकते. सायबर क्राइम आणि सायन्सच्या बॅकग्राऊंडवर ही रहस्यमय कादंबरी हळूहळू गूढतेकडे वळते. रहस्य आणखीन गडद होतं जातं. कादंबरी जेव्हा अंतिम वळणावर येते, तेव्हा उत्कंठा, कथेतला गुंता आणि काळजाचे ठोकेही वाढतात ... आणि एका अनामिक वळणावर जेव्हा उकल होते तेव्हा... 'ऑब्सेशन' ही साय-फाय गूढ रहस्यमय कादंबरी तुम्हाला एका वेगळ्याच विश्वात घेऊन जाईल याची खात्री आहे. या आगळ्यावेगळ्या साहित्यनिर्मितीस आपला उदंड प्रतिसाद आणि प्रेमही नक्कीच लाभेल यात शंका नाही.