Kalam-e-Jauhar

یہ کتاب رئیس الاحرار مولانا محمد علی جوہر کی شاعری کا احاطہ کرتی ہے ۔مولانا کو دست قدرت نے قیادت، صحافت، خطابت کے ساتھ ساتھ شاعری کی زبردست قوت عطا کی تھی۔زیر نظر کتاب کی ابتدا میں ایک طویل مضمون ہے ۔اس میں مولانا کا شعرو شاعری میں اتم شوق کے بارے میں بیان ہے۔ اس کے علاوہ ان کی زندگی کے مختلف جہات پر روشنی ڈالی گئی ہے۔ شعری کلام کا آغاز قطعات سے ہوا ہے۔ اس کی شروعات جس قطعہ سے ہوئی ہے اسے ۱۹۰۷ میں سر سید کی برسی کے موقع پر پڑھا گیا تھا ۔ آگے متعدد قطعات مذہبی نوعیت کے ہیں۔ جیل میں بیٹی کی بیماری کی اطلاع ملی، افسردہ ہوکر ایک قطعہ کہا، اسے یہاں نقل کیا گیا ہے۔ دوسرے حصے میں غزلیات نمونہ کلام کے عنوان سے کچھ غزلیں پیش کی گئی ہیں۔ خاص بات یہ ہے کہ غزل کا سنہ اور مہینہ بھی لکھ دیا گیا ہے۔ اس کے آگے " غزلیات ردیف وار" ہے۔ کس حرف کی ردیف میں کتنی غزلیں ہیں؟ نمبر دے کر واضح کردیا گیا ہے۔کتاب کے اختتام میں مولانا مرحوم کی آخری غزل بھی شامل کی گئی ہے جو انتہائی پرسوز ہے۔

(1) The printing quality of the POD book will depend on the quality of the scanned book. For details please check the preview.

(2) Price of Print on Demand books is based on printing & binding costs, any old MRP if mentioned on such books’ pages is not reflective of the true MRP.