Ishrat Jahan Encounter (Urdu) عشرت جہاں انکاؤنٹر

یہ تحقیقی کتاب مقتولہ عشرت جہاں کے گھر والوں اور دوسرے متعلقین سے مل کر اور اس حادثے سے متعلق دستاویزات اور رپورٹوں کا مطالعہ کرکے لکھی گئی ہے۔ گوکہ عشرت جہاں انکاؤنٹر کے تمام مجرم پولیس افسران اب رہا ہو چکے ہیں، پھر بھی یہ کتاب سی بی آئی کی تفتیش، عدالتوں کے فیصلے اور ایس آئی ٹی کے تناظر میں ایک سند ہے تاکہ آنے والے مؤرخ دیکھیں کہ بھارت میں مسلمانوں کا کس طرح سے کھلے عام غیرقانونی انکاؤنٹر کیا جاتا رہا اور ان کو عدالتی کارروائی کے بغیر پولیس اور میڈیا کے ظلم و تشدد کا نشانہ بنایا جاتا رہا۔ ستم بالائے ستم یہ ہے کہ اس ظلم و جبر کے معاملے میں نامزد ہونے والے پولیس افسران کو ریاستی و قانونی تحفظ دیا گیا۔ایک نوخیز لڑکی کو اہلِ حکومت کی نگرانی میں اغوا کیا گیا پھر اس کی عصمت دری کر کے اس کا قتل کر دیا گیا لیکن قاتلوں کو سزا تک نہیں دی گئی۔ مظلوم عشرت کی روح اب بھی انصاف کی منتظر ہے۔